Bakoyannis entuziaste për Kosovën: 2 mln njerëz do jenë nën mbrojtjen e KiE

Ish-kryediplomatja greke, Dora Bakoyannis, që hartoi raportin për Kosovën  ka shprehur entuziazmin e saj sot në një intervistë pasi kolegët në Asamblenë Parlamentare të Këshillit të Europës i dhanë mbështetje të gjerë.

Fjala është për raportin e saj, i cili rekomandon që Kosova të bëhet anëtare e kësaj organizate.

“Ne besojmë që ajo vrimë e vogël e zezë në zemrën e Europës duhet të mbyllet edhe dy milionë njerëz të tjerë do të kenë mbrojtjen e Këshillit të Europës, mbrojtjen për të drejtat e njeriut, të drejtat fetare dhe sigurisht mundësinë që të shkojnë në Gjykatën Europiane në rast se këto të drejtat shkelen. Është e rëndësishme për minoritetin serb, është e rëndësishme për të gjitha minoritetet. Por, është e rëndësishme për të gjithë njerëzit që jetojnë në Kosovë dhe që do të ndiejnë nga sot se e kanë edhe një të drejtë më shumë”, tha ajo.

LEXONI GJITHASHTU:

• 25 vjet pas masakrës së Poklekut në Kosovë, dhimbje e apel për drejtësinë e munguar
• KQZ: 33 shkolla refuzojnë mbajtjen e votimit në veri të Kosovës