12 të vdekur dhe gati 700 raste të reja me COVID-19

Nga rreth 3400 testime të kryera gjatë 24 orëve të fundit, 698 persona kanë rezultuar të infektuar me COVID-19, ndërkohë 12 pacientë të moshave 53-79 vjeç kanë humbur jetën.

Aktualisht në spitalet COVID në Tiranë dhe tre spitalet rajonale po trajtohen 492 pacientë, 24 në terapi intensive, nga të cilët 8 pacientë janë të intubuar.

Në total që prej fillimit të pandemisë, Shqipëria numëron mbi 116 mijë raste pozitive me coronavirus ndërsa 2030 persona kanë humbur jetën.

Ditët e fundit ka pasur një rënie të infektimeve që është shoqëruar gjithashtu me rënien e numrit të rasteve aktive nën 35 mijë persona.

Tirana mbetet qarku më problematik pasi ka mbi 23 mijë persona të infektuar me COVID-19. Më pas vjen Fieri me rreth 2500 persona të prekur.

Statistika (13 Mars 2021)

Testime totale          507,956

Raste pozitive          116,821

Raste të shëruara       79,821

Raste Aktive              34,970

Humbje jete                  2030

Shpërndarja gjeografike e rasteve aktive sipas qarqeve:

Tiranë              23379

Fier                  2567

Vlorë               1578

Durrës             1656

Shkodër           1332

Gjirokastër      1207

Korçë              886

Elbasan           587

Lezhë              731

Berat               382

Dibër               345

Kukës              320