Gjysmëfinalistët e Europa League, eliminohen Milan e Liverpool

Milan e Liverpool nuk kanë arritur të bëjnë dot asgjë ndryshe në ndeshjet e kthimit të Europa League duke i dhënë lamtumirën kompeticionit. Në Olimpico Roma vendëse ia doli ta fitojë dhe ndeshjen e dytë ndaj kuqezinjve të Piolit në shifrat 2-1. Mançini e Dybala ishin autorët e golave për ekipin e De Rossit, ndërsa në anën tjetër Gabbia realizoi golin e vetëm për Milanin 5 minuta para fundit. Me rezultatin total 3-1, Roma avancon në gjysmëfinale ku e pret Leverkusen.

Gjermanët thellojnë rekordin e tyre sa i përket ndeshjeve pa pësuar humbje, duke barazuar në transfertën e Anglisë. Përballë West Ham, të besuarit e Xabi Alonsos siguruan kualifikimin edhe pse pësuan të parët pas golit të Antonio. 1 minuta para fundit Frimpong realizoi golin që riktheu ekuilibrat, e aspirinat kalojnë më tej.

Liverpool ka zhgënjyer edhe në ndeshjen e dytë pavarësisht një fitoreje minimale, ku në minutën e 7-të Salah shënoi me penallti. Minutat në vijim prodhuan raste, por shifrat nuk ndryshuan duke bërë që bergamaskët të regjistrojnë rezultatin total 3-1. Marseja ishte surpiza e së enjtes me një përmbysje të jashtëzakonshme ndaj Benficas. Koha e rregullt u mbyll 1-0, ndërsa në penallti francezët fituan 4-2. Në Conference League, Fiorentina, Aston Villa Olympiacos dhe Club Brugge avancuan më tej.