Juventus drejt trofeut të parë këtë sezon, kalon në finalen e Kupës

Humbja në Olimpico nuk ka aspak vlerë, Juventus avancon në finalen e kupës së Italisë, i cili është dhe objektivi i vetëm sezonal për bardhezinjtë. Skuadra e teknikut Massimiliano Allegri eliminoi në gjysmëfinale Lazion me rezultat total 3-2. Mbrëmjen e së martës u luajt ndeshja e kthimit, ku lacialët i mposhtën torinezët 2-1. Një lojë e luajtur më mirë nga skuadra e Tudor, që gjeti golin me Castellanos në minutën e 12-të. Fraksioni i parë u mbyll me vetëm një gol, ndërsa në të dytin po Castellanos dyfishoi shifrat në 2-0.

Teksa gjithçka u duk se do të shkonte në shtesë, ishte Milik, ku 7 minuta para fundit ngushtoi diferencën, por më tepër se kaq vulosi kualifikimin e bardhezinjve, të cilët presin në finale fituesin e ciftit Atalanta-Fiorentina.

Në Bergamo do të jepet bileta e dytë për stacionin e fundit të këtij kompeticioni, aty ku ekipi violë ka një avantazh prej një gol, atë të fitores në shtëpi ndaj Atalantës. Lajmi i mrië është se asnjëra prej skuadrave nuk ka mungesa për këtë duel, ndërsa bergamaskët cilësohen favoritë. Kujtojmë se të dyja përballjet gjatë këtij sezoni janë fituar nga Fiorentina, në kampionat 3-2 dhe gjysmëfinalen e parë të kupës 1-0.

LEXONI GJITHASHTU:

• Interi shpallet kampion i Italisë, gdhend yllin e dytë në fanellë
• Reali mposht Barcelonën 3-2, Xavi akuza ndaj arbitrit pas sfidës
• “Ethet” e Premier League 5 javë para fundit, Arsenal rikthehet në krye