Ndotja në Lumin Shkumbin, stina e pranverës sjell mbetje urbane nga reshjet e shiut

Lumi Shkumbin vijon të shfaqë një pamje të shëmtuar përgjatë rrjedhës së tij si pasojë e mbetjeve urbane që depozitohen nga dora e njeriut.

Edhe pse në këtë sezon të nisjes së pranverës, përgjatë gjithë shtrirjes së tij, duhet të mbizotëronte gjelbërimi, sërish lugina e Lumit Shkumbin sipas specialistëve të mjedisit mbetet e sëmurë dhe përveç pamjes, sjell edhe dëme në shëndetin e njeriut.

“Për fat të keq ne vazhdojmë të jemi në të njejtat ujëra, por të turbulla e të ndotura që nuk na bën nder e nuk na ndihmon për një jetë normale. 01:10 Këtu është ne lojë shendeti i njerzve, dhe dihet që nga ujrat e ndotur ka ndikim për keq tek çdo qytetar. Pasi ujrat shkojnë për ujitje tani në verë, tek perimet e perimet na kthehen ne me ndotjen që kanë ato”, tha Ahmet Mehmeti nga Klubi Ekologjik.

Ujërat industrialë i shkaktojnë lumit dëmin më të madh, por edhe mbetjet urbane nuk mbeten pas.

“Lumi Shkumbin është një lum i sëmurë e kam thënë disa herë edhe po të shikosh atje në gryqderdhjen e fundit ë, atje është një faqezezë. Nuk shikohet, bregu i detit është zenë me mbeturina, vazhdon të jetë njëlloj, njëlloj siç ka qenë ne vitet e tjera”, tha Ahmet Mehmeti, Ambientalist i Klubit Ekologjik.

Hedhja e mbeturinave në përrenjt e fshatrave, me vërshimin e shirave të pranverës, I mbledh ato në bregun e lumit e më pas depozitohen në det duke na dhënë një pasqyrë të katastrofës mjedisore që deti Adriatik ofroi pak ditë më parë.

Lumi Shkumbin, 181 kilometra i gjatë, buron në malin e Valamarës me ujra të kristalta dhe të pandotura. Por, gjithçka ndryshon në grykëderdhjen në detin Adriatik, ku mbeturinat dhe ujrat e zeza po shkatërrojnë ekosistemin.

LEXONI GJITHASHTU:

• Balluku inspekton aksionin e Task Forcës për impiantet e ujërave të ndotura
• Bota me ajër të ndotur, në Shqipëri grimcat e imëta 3 herë më lartë se norma e OBSH