Drafti për nënat zëvendësuese/ Mjeku: Mundësi e artë për çiftet që s’kanë fëmijë

Shqipëria mund të jetë një ndër vendet që do të lejojë sjelljen në jetë të fëmijëve me anë të nënave zëvendësuese. Pas hedhjes për konsultim publik, të projektligjit për shëndetin seksual dhe riprodhues, ku flitet për nënat surrogate, debatet kanë nisur. Për mjekët gjinekolog, ky proces është i domosdoshëm dhe një mundësi e artë për nënat që nuk mund të kenë fëmijë.

“Nënat surrogate do jenë vetëm për ato çifte që nuk kanë mundësi të kenë fëmijë për shkak sëmundjeve të tyre, p.sh. ka vajza të reja që lindin pa mitër dhe mësojnë këtë vonë, ky ligj u mundëson që të kenë fëmijë, ka individ që për shkak të një sëmundje kanë bërë operacione dhe ju hiqet mitra,” Blerti Çami mjek obstetër gjinekolog, materniteti “Koço Gliozheni”.

Por çfarë është një nënë surrogate?

“Një nënë është e gatshme të mbaj në trupin e saj fëmijën e një çifti tjetër që nuk mund të jetë shtatzëne,  shtatzënia realizohet përmes qelizave të çiftit, dhe embrioni nuk vendoset tek nëna por tek një tjetër që është  gatshme”,- Blerti Çami mjek obstetër gjinekolog, materniteti “Koço Gliozheni”.

E megjithatë, mjeku pohon që projektligji i propozuar ka nevojë ende për rregullime.

 “Duhen vendosur pikat mbi i ne disa gjëra, përfshirjen e psikologut, si do të rregullohet kalimi i fëmijës në fund mes nënës që e lind dhe asaj që e merr”- Blerti Çami mjek obstetër gjinekolog, materniteti “Koço Gliozheni”.

Sa i takon Evropës, sjellja në jetë e fëmijëve me nëna zëvendësuese është e lejuar në , Ukrainë, Belgjikë, Angli, Greqi, ceki, Gjeorgji dhe Holandë.

LEXONI GJITHASHTU:

• Ilaçet për dializë e tumore, KLSH: Në QSUT, pacientët s’kanë marrë në kohë mjekimin
• Studentja: Profesori i Mjekësisë merrte vajzat një nga një në zyrë e u mbyllte derën