Ukraina “fsheh” tanket amerikane Abrams, si po i godet dhe shkatërron Rusia

Ukraina ka mënjanuar përkohësisht nga fusha e betejës tanket amerikane Abrams M1A1. Ky veprim vjen si një masë mbrojtëse, pasi dronët rusë mund t’i zbulojnë dhe të nisin sulmet, kanë thënë dy zyrtarë ushtarakë amerikanë.

Uashingtoni ra dakord të dërgonte 31 Abrams në Ukrainë në janar 2023.

Kievi kaloi muaj duke argumentuar se automjetet e blinduara, me vlerë rreth 10 milionë dollarë secila, ishin jetike në shënjestrimin e pozicioneve ruse.

Që atëherë, Moska ka filluar të përdorë më shumë dronë vëzhgimi duke e bërë më të vështirë për Ukrainën mbrojtjen e tankeve.

Pesë nga 31 Abrams janë shkatërruar tashmë nga sulmet ruse.

“Përhapja e dronëve rusë në fushën e betejës bën që të mos ketë terren të hapur ku tanket të kalojnë pa frikën e zbulimit dhe goditjes”, u tha gazetarëve një zyrtar i lartë i mbrojtjes.

Për momentin, tanket janë larguar nga vijat e frontit.

“Shtetet e Bashkuara do të punojnë me ukrainasit për të rivendosur taktikat në fushëbetejë”, tha admirali admirali Christopher Grady, nënkryetar i shefave të përbashkët të shtabit.

LEXONI GJITHASHTU:

• “Moska do nis një ofensive të madhe ndaj…”- Raporti i Institutit Amerikan
• Polonia shprehet e gatshme të mirëpres vendosjen e armëve bërthamore të NATO-s
• Zelensky kundër planit të Trump: S’i japim toka Rusisë