“Terezi e kena vu, 2 rrugë 300 arka”, SPAK zbardh bisedat në Signal

Euronews Albania siguron dosjen hetimore për serat me kanabis në Berat. SPAK ka arritur të zbardh bisedat mes anëtareve të grupit kriminal në platformat “Signal”.

“Terezi e këna vu , 2 rrugë 300 arka, i musha unë, kur i qëndrojmë te koka punës shkon çdo gjë në rregull”- janë disa nga bisedat që kanë komunikuar anëtarët e grupit.

“Flaka OTR”, “daja”, “ rrushi “, “samo” “TBA”, “Sadii” , “ Sxx” janë disa nga nofkat që  sipas Prokurorise së Posaçme komunikojnë në kuadër të grupit të strukturuar kriminal.

Shikohet se disa prej tyre përdornin numra të huaj si anglez dhe malazezë. Këto numra i aktivizonin me qëllim aksesin në këto aplikacione

Nga zbërthimi i tyre është provuar dhe roli i personave të përfshirë. Sipas prokurorisë Sadetin Hasaj ishte personi më aktiv në këtë aktivitet, ku më pas orientonte edhe shokët e tij, për ti dërguar ushqime, veshje, cigare si dhe mjete të tjera 95 grave që punonin në serat e ngritura ne fshatin Rërëz qarku berat

Gjykata e Posaçme ka lënë në burg 6 personat e arrestuar si anëtar të grupit të strukturuar kriminal, të cilët kishin ngritur serat me kanabis të zbuluara në fshatin Rërëz të Beratit dy vite më parë.

Gjykata ka lënë në burg Sadetin Hasaj, Lulezim Bushataj, Mustaf Manej, Suad Smakaj, Arben Vrapi, Adiol Çifliku. Për të kultivuar kanabisin në 4 sera të mbyllura me plastmas, ishin punësuar 95 gra

Operacioni u ndërmor më 10 nëntor 2022, gjatë të cilit u kap një sasi prej 870 kg kanabis si dhe u arrestuan 11 persona. Dy vite më pas me kërkesë të SPAK, GJKKO firmosi më 22 prill 2024 caktimin e masës së sigurisë personale “arrest në burg” për 9 persona.

LEXONI GJTHASHTU: 

• Meta: Ambasadorin italian e shpallja non-grata, s’diskutohet dekreti i presidentit
• Sera me kanabis në Berat, Gjykata lë në burg 6 të arrestuarit