Si ndryshon PL pas Konventës, Meta bëhet president i partisë, Xhixho numri 2

Me mbylljen e Konventës së djeshme, Partia Lirisë tashmë mund ta konsiderojë të përmbyllur edhe procesin e riorganizimit të saj që nisi në muajt e parë të këtij viti dhe fillon të bëhet gati për zgjedhjet e 2025.

Në shpalljen e rezultateve të votimit të djeshëm, pa asnjë surprizë Ilir Meta mori 691 vota nga 727 delegatë që votuan, ndërsa 27 shkuan në mbështetje të kandidatit Faik Basha.

E për ironi të fatit, një nga votat pro për Metën që të bëhej president i partisë, ishte edhe ajo që hodhi Monika Kryemadhi e cila është targetuar si një nga shkaktaret e dobësimit të partisë.

Mbështetje thuajse absolute mori edhe Erisa Xhixho në kandidimin e saj për zv.presidente të Partisë së Lirisë përballë dy kandidateve të tjera që garuan në Konventë.

Me ndryshimet e bëra në statut tashmë nuk mund të ketë më vend për Monika Kryemadhi në kryesinë dhe strukturat e larta drejtuese të Partisë së Lirisë. Por gjithashtu u bën edhe disa ndryshime të tjera që synojnë për ta rikthyer këtë parti kompetitive në zgjedhjet e ardhshme dhe me rol përcaktues në arenën politike.

Një tjetër moment pikant gjatë Konventës ishte edhe pranimi i propozimit të Monika Kryemadhit për financimin e grave, me aprovimin e Ilir Metës.

LEXONI GJITHASHTU:

• Zgjidhet në krye të PL, Meta: Mendova të paraqitesha fillimisht te “Presidenti”
• Meta i bashkohet protestës së Berishës, gazetari: Si duan të rishpikin veten e tyre