Meta i bashkohet protestës së Berishës, gazetari: Si duan të rishpikin veten e tyre

Në emisionin Review në Euronews Albania u analizua këtë të shtunë Konventa e Partisë së Lirisë dhe bashkimi i Ilir Metës me protestën poshtë ballkonit të Sali Berishës.

I ftuar në studio, gazetari Flogert Muça, tha se e vetmja mënyrë që Berisha dhe Meta të mbijetonin në politikë dhe të merrnin kontrollin e partive të tyre ishte që të shpallnin armik të brendshëm dhe të jashtëm, njësoj si ish-lideri komunist Enver Hoxha.

Muça theksoi se të dy liderët e opozitës shpallën armiq të jashtëm ndërkombëtarët dhe armiq të brendshëm shpallën respektivisht Sali Berisha-Lulzim Bashën dhe Ilir Meta-Monika Kryemadhin.

Gazetari tha se Meta dhe Berisha nuk po e shpëtojnë opozitarizmin, por po e mbajnë peng atë.

“E vetmja mënyrë që Sali Berisha dhe Ilir Meta të rikthehehshin aty ku ishin, ishte që t’u thoshin shqiptarëve dhe anëtarëve të PD dhe PL që vetëm ata mund t’i shpëtojnë partitë respektive. Dhe shpallën armiqtë e jashtëm, ndërkombëtarët, njësoj si Enver Hoxha. Dhe shpallën dhe armiqtë e brendshëm, Kadri Hazbitë e tyre, Berisha shpalli Lulin dhe Meta shpalli Brahimllarin. Ilir ka shkuar pak më tutje se Enveri se dhe Nexhmien e tij, Monikën, e ka shpallur armike të partisë. Dalin aty dhe bëjnë këtë që po bëjnë. Kauzën që kanë që është shpëtimi i opozitarizmit, është e kundërta në fakt këta kanë marrë peng opozitarizmin. Nuk janë këta opozita, kur mua më thua Sali Berisha dhe Ilir Meta unë nuk dalë farë të votoj, këta kanë 30 vite aty”, tha Muça.

LEXONI GJITHASHTU:

• Zgjidhet në krye të PL, Meta: Mendova të paraqitesha fillimisht te “Presidenti”
• Meta i bashkohet protestës të Berishës, vesh bluzën “Lironi liderin e opozitës”