27 të vrarë nga sulmi në Gaza, Blinken: Hamasi të pranojë propozimin izraelit

Të paktën 27 palestinezë, mes të cilëve shumë gra dhe fëmijë, janë vrarë në sulmet izraelite në Rafah dhe Qytetin e Gazës. Lajmin e bëjnë të ditur mediat ndërkombëtare.

Duke reaguar, sekretari amerikan i Shtetit, Antony Blinken i ka bërë thirrje lëvizjes islamike të Hamasit që të pranojë ofertën e Izraelit, që parashikon një armëpushim në këmbim të lirimit të pengjeve.

“Shpresoj që të marrin vendimin e duhur. Mund të kemi një ndryshim radikal të dinamikës”, ka deklaruar Blinken nga Forumi Ekonomik Botëror që po zhvillohet në Arabinë Saudite. Mes të tjerash, shefi i diplomacisë amerikane ka përsëritur qëndrimin kundër të Uashingtonit ndaj ofensivës tokësore të Izraelit në Rafah.

LEXONI GJITHASHTU:

• Publikohen pamje të pengjeve amerikane dhe izraelite në Gaza
• Gaza/ Mbi 34 mijë palestinezë të vrarë e 77 mijë të plagosur që nga fillimi i luftës