Perëndimi “presion” Emirateve të Bashkuara Arabe për sanksionet ndaj Rusisë

Britania, SHBA dhe Bashkimi Evropian po i bëjnë presion Emirateve të Bashkuara Arabe për të treguar se po godet firmat që shmangin sanksionet e vendosura ndaj Rusisë.

Sipas mediave të huaja, tre burime të veçanta perëndimore thanë se janë veçanërisht të shqetësuar për eksportimin e çipave kompjuterikë, elektronikë, makinerive dhe produkteve të tjera të sanksionuara në Rusi nga Emiratet e Bashkuara Arabe, të cilat mund të përdoren për të ndihmuar përpjekjet ushtarake të Moskës kundër Ukrainës.

Disa eksporte janë rritur që kur Rusia u godit nga sanksionet perëndimore, pohuan burimet.

Shtetet perëndimore zbatuan sanksione kundër Rusisë menjëherë pas fillimit të luftës në shkurt 2022, por vendet e tjera nuk janë duke i zbatuar këto sanksione.

Një zyrtar i Emirateve të Bashkuara Arabe tha se mbetet në dialog të ngushtë me partnerët e vendit të tij, përfshirë SHBA-në dhe BE-në, në lidhje me konfliktin e vazhdueshëm në Ukrainë dhe implikimet e tij për ekonominë globale.

LEXONI GJITHASHTU:

• Britania vendos sanksione të reja kundër Iranit
• Sanksionet e BE-së kundër Iranit, Teherani: Për të ardhur keq, ne u vetëmbrojtëm