Rama në Laç: Së shpejti mbyllim dozën e parë të vaksinimit për pjesën vulnerabël

Me nisjen e vaksinimit masiv të grup-moshës mbi 70 vjeç, kryeministri i vendit, Edi Rama deklaroi se brenda një kohe të shkurtër do të përfundojë vaksinimi me dozën e parë për të gjithë pjesën vulnerabël.

“Ne në fakt tani që kemi një situatë më 20 mijë [vaksina] të arritur dje, jemi vetëm në fillim edhe mund të shkojmë lirshëm në 30 mijë në ditë pa problem, që do të thotë se në një kohë shumë më të shpejtë të planifikuar, ne mund të bëjmë dozën e parë masivisht dhe të mbyllim të gjithë këtë pjesën vulnerabël, pastaj pjesa tjetër na jep më shumë kohë”, u shpreh z. Rama.

Kreu i qeverisë i shoqëruar nga ministrja e Shëndetësisë, Ogerta Manastirliu ndoqën nga afër procesin e vaksnimit të të moshuarve në qytetin e Laçit.

Lexoni gjithashtu: 

Fushata zgjedhore, Rama kritika Bashës për grumbullimet, reagon PD

Kryemadhi në Kamëz: Do të sjellim një zhvillim të jashtëzakonshëm ekonomik