U kapën pas sherrit me italianin, lirohen 2 transgjinorët që ushtronin prostitucion

Gjykata e Tiranës ka liruar nga qelia dy transgjinorët nga Venezuela që u arrestuan për ushtrim prostitucioni.

Për ta është caktuar masa e sigurisë ‘detyrim paraqitje’ ndërsa sipas dosjes hetimore denoncimi është bërë nga një shtetas Italian i cili kishte kërkuar shërbime seksuale kundrejt shumës prej 150 euro.

Por pas takimit, italiani ka kërkuar kthimin e parave dhe më pas është konfliktuar me tranvestitin duke lajmëruar edhe policinë.

Tranvestitët (meshkuj që kishin kryer operacione plastike për të ngjarë si femra) kishin pak ditë që kishin mbërritur në kryeqytetin e Shqipërisë dhe kërkonin klientë në faqet e specializuara për shërbime seksuale.

Edhe në sallën e gjyqit, drejtësia ka qenë në dilemë se në çfarë paraburgimi do ti dërgonte nëse ndaj tyre do të caktohej një masë më e rëndë sigurie se sa hetimi në gjendje të lirë.

LEXONI GJITHASHTU:

• Modelja transgjinore shpallet Miss Holanda
• Transgjinori shqiptar në Itali kërkon të njihet ligjërisht