Aksidentoi për vdekje të moshuarin në Cërrik, arrestohet 28-vjeçari nga Tirana

Një aksident me pasojë vdekjen e një këmbësori është shënuar mbrëmjen e djeshme në aksin “Cërrik-Papër”.

Policia vuri në pranga drejtuesin e mjetit, shtetasin A. B., 28 vjeç, banues në Tiranë, pasi mbrëmjen e djeshme, në aksin rrugor “Cërrik-Papër”, me automjetin tip “Audi” që drejtonte, ka përplasur këmbësorin, shtetasin A. L., 76 vjeç, i cili si pasojë ka humbur jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Fshehu aksidentin e shkaktuar nga e bija, arrestohet efektivi në Gjirokastër
• Aksident në Tiranë/ Mjeti përfundon në lumin Lana, humb jetën drejtuesi