Ministria ruse e Mbrojtjes: Shkatërruam 10 raketa me rreze të gjatë të Ukrainës

Ministria ruse e Mbrojtjes ka thënë se forcat e saj ajrore shkatërruan 10 raketa me rreze të gjatë veprimi, të njohura si ATACMS, që ushtria ukrainase lëshoi ​​gjatë natës në Krime.

Sipas mediave të huaja, Ministria nuk tha nëse ka pasur ndonjë dëm, por guvernatori i instaluar nga Rusia i portit të Krimesë të Sevastopolit tha se mbeturinat e raketave ranë në një zonë banimi.

‘Sipas informacioneve të para, askush nuk u lëndua’, tha guvernatori Mikhail Razvozhayev në Telegram.

Rusia aneksoi Krimenë nga Ukraina 10 vjet më pare, në një lëvizje të dënuar gjerësisht nga aleatët perëndimorë të Kievit.

Kujtojmë se Rusia ka thënë shpesh, pa dhënë prova, se Ukraina kishte filluar të përdorte ATACMS të furnizuar nga SHBA.

Dje, një zyrtar amerikan tha se ATACMS dhe interceptorët e mbrojtjes ajrore të miratuara nga Joe Biden më 24 prill, tashmë po arrinin te forcat ukrainase.

LEXONI GJITHASHTU:

• Ndihma amerikane drejt Ukrainës, Blinken në Kiev: Armët do bëjnë diferencën
• Si mund ta ndryshojë ministri i ri rus i Mbrojtjes rrjedhën e luftës në Ukrainë?