Makina përplas për vdekje një këmbësor në Kukës

Një aksident i rëndë me pasojë vdekje ka ndodhur mbrëmjen e djeshme në fshatin Gjegjan të Kukësit. Një këmbësor, i moshës rreth 60-vjeçare ka ndërruar jetë pas përplasjes nga një automjet në autostradën “Milot-Morinë”.

Policia ka bërë të mundur arrestimin e drejtuesit të mjetit, 27-vjeçari me inicialet A.M.

Ndërkohë që po vijon puna për të bërë të mundur identifikimin e viktimës dhe zbardhjen e plotë të rrethanave të aksidentit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

“Shërbimet e Njësisë së Sigurisë Rrugore në autostradën “Milot-Morinë” arrestuan në flagrancë shtetasin A. M., 27 vjeç, banues në Prishtinë, pasi rreth orës 21:30, të datës 14.05.2024, në fshatin Gjegjan, me automjetin që drejtonte, ka përplasur një shtetas ende të paidentifikuar, këmbësor, rreth 60 vjeç, i cili si pasojë ka humbur jetën në vendngjarje. Vijon puna për identifikimin e këtij shtetasi”, njofton policia.

LEXONI GJITHASHTU: 

• Aksidenti me dy të lënduar në Sarandë, shoqërohet në polici drejtuesi i “Hummer-it”
• Foto| Ky është efektivi i vrarë në Fier, dy pistat e hetimit