Fakte dhe statistika nga Imola

Max Verstappen arriti fitoren e tretë rradhazi në Imola pas vitit 2021 dhe 2022 por këtë herë nuk ishte një shëtitje për holandezin që iu desh ti rezistonte sulmit të Lando Norris në xhirot e fundit. Në vazhdim do t’ju njohim me disa prej statistikave në garën e Emilia-Romagna’s që u transmetua në Euronews Albania.

• Verstappen barazoi rekordin e Michael Schumacher me 3 fitore rradhazi në Imola. Kjo ishte fitorja e 59-të e tij dhe e 49-ta prej startit të vitit 2021.
• Holandezi u ngjti në podium për të 104-tën herë duke zbritur Kimi Raikkonen në vendin e 7-të në histori.
• Përpara garës në Miami, Verstappen I fitonte garat me një diferencë prej 14.352”.
• Imola ishte gara e tretë rradhazi këtë sezon që Verstappen dhe Norris përfundojnë në dy vendet e para.
• Norris siguroi podiumin e tretë rradhazi në Imola, të 17-in në karrierë dhe për të tretën garë u zgjodh Piloti më i Mirë nga tifozët.
• Fundjava solli paraqitjen më të mirë për McLaren në Imola pas vendit të dytë nga Raikkonen në vitin 2003.
• Vendi i tretë i Leclerc ishte podium i parë për Ferrarin në Imola pas fitores së Michael Schumacher në vitin 2006. Podiumi i katërt për monegaskun që u ngjit në vendin e dytë në klasifikimin e pilotëve.
• Oscar Piastri u rendit për të tretën garë në vendin e katërt pa arritur ende në podium.
• Carlos Sainz u rendit për të tretën garë në vendin e pestë, duke përsëritur paraqitjen e më të mirë në Imola.
• Hamilton u rendit sërish në vendin e gjashtë pas Miami’t, rezultatet e tij më të mira deri tani.
• Mercedes coi për të parën herë dy makina në 7 vendet e para.
• Vendi i 8-të për Sergio Perez ishte paraqitja më e dobët deri tani.
• Yuki Tsunoda u fut në zonën e pikëve për të katërtën garë në 5 të fundit.LEXONI GJITHASHTU:
• Formula 1 starton sezonin evropian
• Mercedes fiton më shumë se kushdo në Formula 1