Gjermania do të rrisë ndihmën ushtarake për Ukrainën

Gjermania planifikon të rrisë ndihmën ushtarake për Ukrainën me 3.8 miliardë euro të tjera.

Deri më tani, Berlini ka caktuar 7.1 miliardë euro për Kievin me armë dhe municione këtë vit, por paratë tashmë janë ndarë pothuajse plotësisht për projekte, raportoi gazeta Bild.

Ministri i Mbrojtjes, Boris Pistorius kishte kërkuar fonde shtesë dhe Ministri i Financave Christian Lindner kishte sinjalizuar mbështetjen e tij, në pritje të miratimit përfundimtar nga parlamenti në qershor.

Një burim i ministrisë së Financave nuk konfirmoi numrin e saktë, por shtoi se mbështetja për Ukrainën nuk do të dështonte për shkak të ministrisë.

Sipas raportit, Pistorius ka kërkuar që të ndahen 15 miliardë euro për ndihmë ushtarake për Kievin në buxhetin e Gjermanisë për vitin 2025, i cili është duke u negociuar në këtë moment.

LEXONI GJITHASHTU: 

• Aksidentohen në minierën e Bulqizës, humb jetën një minator, plagoset një tjetër
• Trafikoi “nusen” në Itali për prostitucion, dënohet me 17 vjet burg vjehrra në Berat