Argjentina bëhet gati për kupën e Amerikës, “harrohet” Dybala

Në një kohë kur tifozët në kontinentin e vjetër do të jenë me sy e veshë drejt Euro 2024, në Amerikë zhvillohet kupa më e rëndësishme për shtetet. Skuadrat dita ditës publikojnë listën me lojtarët e thirrur, por të gjithë prisnin ata, kampionët e botës, Argjentinën, e cila nuk zhgënjeu duke surprizuar me disa nga emrat e konfirmuar nga Lionel Scaloni.

Ylli i Inter Miamit, njëkohësisht dhe njeriu me më tepër trofe në skuadër, Lionel Messi do të jetë pjesë e kompeticionit, ndërsa albicelestët janë ndër favoritët kryesorë për ta fituar. Krahas tij, emra si Lautaro, Gonzalez, Correa apo Di Maria, por ajo cka bie në sy është mungesa e Paulo Dybala. Në momentet kur qarkulloi lajmi për një mungesë të mundshme të tij, mediat kritikuan trajnerin, por tanimë vetë Scaloni konfirmoi se lojtari nuk do të jetë pjesë dhe kjo për shkak të performancës.

Dybala gëzon gjendje të mirë shëndetësore, por thjesht nuk është në planet e teknikut kampion bote, ndërsa synon një tjetër trofe. Kupa e Amerikës nis më 20 qershor e përfundon më 14 korrik.

LEXONI GJITHASHTU:

• “Dëshiroja kthimin në Barcelonë”- Lionel Messi flet për transferimin në SHBA
• Messi flet pas dhunës në Brazil-Argjentinë: Mund të ishte një tragjedi