Lufta në Gaza| Gjoka: Kërkesa që SHBA i ka drejtuar Izraelit

Diplomati Sokol Gjoka është shprehur se SHBA i ka kërkuar Izraelit që të zhvillojnë veprime ushtarake proporcionale kundër Hamasit në Gaza.

Komentet Gjoka i bëri në emisionin “Now me Erla Mëhillin” në Euronews Albania, ku tha se komuniteti ndërkombëtar është ndërgjegjësuar për vrasjen e civilëve palestinezë.

Ai tha gjithashtu se Izraeli duhet të tregojë më shumë maturi me veprimet e tij, për të mos marrë jetët e civilëve të pafajshëm.

“Futja në një luftë me Hamasin nuk do të thotë që nuk duhet të kontrollojë dëmet kolaterale. Vrasja e grave e fëmijëve. Parë nga ky këndvështrim edhe bota e qytetëruar e ka ngritur zërin kundër Izraelit.

Edhe SHBA-të i janë drejtuar Izraelit që të zhvillojë veprime ushtarake proporcionale. Pra të ketë kujdes ndaj jetëve të njerëzve të pafajshëm.

Edhe Izraeli me mënyrat e veta është munduar ta bëjë këtë, përmes njoftimeve, etj. Por faktet tregojnë se edhe veprime të tilla si ky i para dy ditëve tregon që këto sulme kanë ndodhur dhe kanë sjellë dëme të konsiderueshme”, tha Gjoka.

LEXONI GJITHASHTU:

• Shefi i OKB-së thotë se “tmerri” në Gaza duhet të ndalet
• Shëndetësia në Gaza në kolaps, vetëm 6 nga 36 spitale funksionalë