Humbësit në Çmimin e Madh në Montekarlo

Ajo që lamë pas nuk ishte një fundjavë pozitive për Sergio Perez. Meksikani u eleminua në sesionin e 1’rë kualifikues dhe në garë u përfshi në incidentin e xhiros së 1’rë me Kevin Magnussen dhe Nico Hulkenberg.

Haas përjetoi shndërrimin e një fundjave premtuese në një shkatërrim të vërtetë. Fillimisht u zeruan kohët në provat zyrtare dhe pas nisjes në rradhën e fundit u përfshinë në incidentin me Sergio Perez duke u detyruar të tërhiqen për të 1’ën herë këtë sezon.

Aston Martin la pas garën e 2’të të dhimbshme rradhazi kur Fernando Alonso u eleminua në sesionin e 1’rë për vendin e 16’të dhe Lance Stroll dy vende më lart në nisjen e të dielës. Aktualisht Aston Martin është në vendin e 5’të të klasifikimit për konstruktorë me 52 pikë pas Mercedes.

Kick Sauber zhvilloi një garë për tu harruar ku i vetmi element pozitiv ishte ndërrimi i gomave pa probleme gjatë hyrjeve në bokse Valtteri u rendit në vendin e 19’të ndërsa Zhou Guanyu ishte piloti më i ngadaltë për të 5’ën nga 8 garat e zhvilluara deri tani.

Esteban Ocon u përplas me shokun e skuadrës si një shenjë domethënëse e raportit të tyre të thyer. Pas garës së ashpër në Miami, incidenti në Monaco u shoqërua me eleminimin e Esteban Ocon.