“Putini flet çdo javë për Kosovën”, Gërvalla: Po kërkon luftë në Ballkan

Rusia mund të ndezë tensionet në Ballkan dhe të krijojë një luftë të re që Perëndimi të shpërndahet nëse mbizotëron në luftën e saj me Ukrainën. Kështu u shpreh kryediplomatja e Kosovës  Donika Gërvalla-Schwarz gjatë një interviste.

Sipas saj, ambiciet territoriale të presidentit rus Vladimir Putin nuk ndalen në kufirin ukrainas – dhe se fitorja e Ukrainës kundër Rusisë do të siguronte stabilitet në Ballkanin e trazuar prej vitesh.

“Strategjia e Putinit është të mbajë Perëndimin të hutuar me konflikte të ndryshme”, tha ajo. “Pra, një luftë tjetër në Ballkan do të ishte shumë e mirëpritur nga Rusia”. Kosova në veçanti është një objektiv joshës për Putinin, shtoi ajo, sepse prosperiteti i vendit minon argumentin e tij se Perëndimi nuk mund të ndihmojë vendet e ish-bllokut lindor.

“Putini flet çdo javë për Kosovën”, tha Gërvalla. “Nuk ka të bëjë me rëndësinë gjeopolitike të Kosovës, por ka të bëjë me faktin se Kosova është një histori suksesi e Perëndimit, një histori suksesi e Shteteve të Bashkuara të Amerikës, është një histori suksesi e NATO-s, një histori suksesi e vendeve perëndimore evropiane”.

LEXONI GJITHASHTU:

• Vuçiç flet për luftë të madhe, Daçiç provokon: Kosova, zemra jonë
• Osmani pret Sarrazin: Kosova ka nevojë për mbështetjen e Gjermanisë