“Kina po ndihmon Rusinë”, Zelensky: Po përpiqen të sabotojnë samitin e paqes

Presidenti ukrainas Volodymyr Zelensky akuzoi Kinën se po ndihmon Rusinë të sabotojë konferencën e ardhshme të paqes.

Në forumin e mbrojtjes në Shangri La të Singaporit, Zelensky tha se Kina po u bën presion vendeve të tjera që ta bojkotojnë samitin që do të mbahet në Zvicër.

“Disa liderë botërorë nuk e kanë konfirmuar pjesëmarrjen në samitin e paqes. Fatkeqësisht ka shumë përpjekje për ta sabotuar samitin. Ne nuk duam të besojmë se kjo është një dëshirë për pushtet monopolist në botë, për t’i mohuar komunitetit global shansin për të vendosur mbi luftën dhe paqen”, tha Zelensky.

Zelensky u bëri thirrje ministrave të Mbrojtjes të ndjekin samitin, si dhe shprehu zhgënjimin nga disa vende që e kanë refuzuar atë.

Ai shtoi se, Ukraina ka propozime konkrete për t’i bërë në samit sa i takon sigurisë bërthamore, asaj ushqimore dhe lirimin e të burgosurve të luftës.

LEXONI GJITHASHTU:

• Zelensky: 100 vende do të marrin pjesë në samitin për paqe në Zvicër
• Putin pikëpyetje për legjitimitetin e Zelenskyt si president: Njoh vetëm parlamentin