Gjermania zhgënjen në miqësore, Anglia kalon “testin” e parë

Testi i parë i muajit qershor nuk ishte dhe aq pozitiv për trajnerin Nagelsmann, me panzerat të cilët barazuan pa gola me Ukrainën. Në një ndeshje të luajtur më mirë prej tyre, në krahasim me kundërshtarin, por që nuk ditën t’i shfrytëzojnë rastet e krijuara. 36-vjeçari e nisi me një 4-2-3-1 pa shumë ndryshime nga sfidat e mëparshme, teksa i grumbulluar ishte dhe Brajan Gruda. Nagelsmann preferoi 6 zëvendësime duke u dhënë shanset disa futbollistëve, por padyshim mungesa e madhe ishte ajo e Toni Kroos.

Një barazim që tregon dhe një herë tjetër që Gjermania nuk është ajo skuadra që i fiton të githa përballjet, qofshin miqësore apo të kompeticioneve të ndryshme. Sukses të hënën regjistruan Kroacia dhe Anglia, me ballkanasit që fituan ndaj Maqedonisë së Veriut, në shifrat 3-0. Sa i përket 3 luanëve, me një formacion eksperimentues, Southgate ia doli të merrte sinjale pozitive nga të tijët. Fraksioni i parë u mbyll pa gola, ndërsa në të dytën britanikët realizuan 3 herë.

Palmer me 11 metërsh, e më pas Arnold e Harry Kane ishin shënuesit për Anglinë, e cila bëhet gati për Islandën.

LEXONI GJITHASHTU:

• Shqipëria gati për miqësoren, Sylvinjo e Gjasula: Mund ta përballojmë Euro 2024
• Shkëlqen Shqipëria! Kuqezinjtë fitojnë 3-0 kundër Lihtenshtejnit