Sulmi që nxori jashtë funksionit spitalet në Londër, dyshimet bien mbi Rusinë

Sulmi kibernetik që paralizoi spitalet e Londrës raportohet se erdhi nga një grup hakerash në Rusi që operojnë në bashkëpunim më qeverinë e Putinit, shkruajnë mediat britanike.

Incident që ndodhi të martën detyroi disa spitale kryesore të anulojnë operacionet dhe transfuzionet e gjakut.

Sulmi, shkaktoi ndërprerje të mëdha në spitale. Përveç anulimit të operacioneve me ndikim të drejtpërdrejtë në jetën e pacientëve, sulmi gjithashtu paralizoi analizat në disa spitale të Britanisë.

Ekspertët thanë se personat përgjegjës për këtë sulm janë një grup kriminal kibernetik rus, përgjegjës për një seri sulmesh të tilla gjatë dy viteve të fundit.

Ish-shef ekzekutiv i Sigurisë Kibernetike tha për BBC se hakerat ishin lënë të operojnë lirshëm brenda Rusisë.

Ai tha: “Besojmë se është një grup kriminal kibernetik rus që e quan veten Qilin. Këto grupe kriminale, operojnë lirshëm brenda Rusisë, kanë faqe në dark web dhe ky grup i veçantë ka rreth dy vjet histori të sulmeve ndaj organizatave të ndryshme në mbarë botën.”

LEXO GJITHASHTU

• Sulmi kibernetik detyron spitale në Londër të anulojnë operacionet dhe analizat
• Katër të arrestuar gjatë operacionit evropian kundër krimit kibernetik