Zgjedhjet në BE, Von der Leyen: Ekstremi i djathtë nuk bëri aq mirë sa pritej

10 Qershor 2024 | 16:10

Presidentja e Komisionit Evropian, Ursula von der Leyen, ka reaguar sërish në lidhje me rezultatin e zgjedhjeve në Parlamentin Evropian.

Von der Leyen tha se ekstremi i majtë dhe i djathtë nuk bënë aq mirë sa pritej në zgjedhjet e BE-së.

E pyetur mbi suksesin e të djathtës ekstreme dhe gjendjen aktuale në Evropë, Von der Leyen tha: “Në të vërtetë, ka një rritje të ekstremit të djathtë dhe të majtës ekstreme. Kemi të dy këto fenomene. Por jo aq sa parashikohej. Jo aq sa pritej. E kundërta është rasti. Ne patëm një fitore të fortë, si Parti Popullore Evropiane – kështu që kjo tregon se ju mund të përballoni presionin nga ekstremet dhe të jeni të suksesshëm ndërsa jeni në krye”.

Von der Leyen tha se do t’i afrohet partive socialdemokrate dhe liberale me të cilat ka punuar më parë për të formuar një shumicë në parlamentin evropian.

Grupimi i Partisë Popullore Evropiane të qendrës së djathtë, i cili përfshin partinë e presidentit, Unioni Demokristian, duket se do të ruajë pozicionin e tij si blloku më i madh – shumë më tepër se partitë e ekstremit të djathtë ose të majtë.

“Gjatë gjithë fushatës sime zgjedhore, kam punuar shumë për të ndërtuar një shumicë të gjerë dhe efektive në favor të një Evrope të fortë,” shtoi ajo.

“Për këtë arsye tani do t’u afrohemi familjeve të mëdha politike që kanë punuar mirë edhe me ne në mandatin e kaluar”, shtoi ajo.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026