Përzgjedhja e anëtarëve të KLGJ dhe KLP, Bardhi: Synoni kapjen e institucioneve

Kryetari i grupit Parlamentar të Partisë Demokratike, Gazment Bardhi, debatoi me përfaqësues të mazhorancës, në nënkomisionin “Për përzgjedhjen e kandidatëve për anëtarë të Këshillit të Lartë Gjyqësorë dhe Këshillit të Lartë të Prokurorisë nga radhët e Avokatëve”.

Bardhi e cilësoi procesin të deformuar dhe me ndërhyrje të fortë politike.

“Keni deformuar procesin. Është ndërhyrë politikisht në proces nga sekretari i përgjithshëm i Kuvendit. Nuk mund të japim konsensus për një proces të deformuar. Më thoni një rast kur keni dalë kundër raportit të Sekretarit  të Përgjithshëm. Asnjë rast, sepse ju e përdorni politikisht atë. Ne konsensusin e japim vetëm mbi kushtetutë. Në qoftë se ju keni përcaktuar kush do të jetë kryetar i KLGJ apo kryetar i KLP, ky është problem i juaj dhe ndërhyrje e juaja. Ne jemi me kushtetutën dhe s’mund të pranojmë këtë ndërhyrje”, mësohet të jetë shprehur Bardhi.