Nëndetësja bërthamore dhe fregata ruse ankorohen në Havana, “atraksion” për turistët

Disa qindra kubanë dhe turistë u rreshtuan për të hipur në fregatën ruse “Gorshkov”, pjesë e flotës luftarake që kreu manovra ushtarake në Atlantik. Autoritetet ruse dhe ato kubane pranuan të lejonin qytetarët të shihnin mjetin lundrues që mbërriti një ditë më parë e shoqëruar nga nëndetësja me fuqi bërthamore “Kazan” dhe dy anije logjistike.

“Gjithmonë më kanë pëlqyer këto gjëra. I adhuroj paradat ushtarake dhe evente të tilla”, deklaroi për mediat ndërkombëtare nëj burrë që mundi të shihte fregatën ruse.

Mundësia për të hipur në anijet e shteteve të ndryshme që mbërrijnë në Gjirin e Havanës është diçka e zakonshme.

“Është vetëm një vizitë dhe jo kërcënim ndaj Shteteve të Bashkuara”, deklaroi një grua.

Sa i takon flotës ruse, autoritetet kubane konfirmuan se ajo do qëndrojë në Havana deri më 17 qershor. Ministria ruse e Mbrojtjes raportoi nga ana tjetër se stërvitjet e saj synonin simulimin e sulmeve me raketa ndaj anijeve të tjera dhe objektivave në një distancë prej 600 kilometrash.

LEXONI GJITHASHTU:

• Çfarë dihet deri tani nga nëndetëset bërthamore të Rusisë të vendosura në Kubë
• Gjenerali ukrainas: Disa avionë luftarakë F-16 do të “ruhen” jashtë Ukrainës