Studiuesit francezë: Një në katër persona flenë më pak për të qëndruar në telefon

Një studim mbi familjet franceze ka zbuluar se një e treta e përdoruesve të internetit në Francë thanë se kanë përjetuar një efekt të dëmshëm nga ekranet jashtë punës ose studimeve, me një në katër njerëz që kufizojnë gjumin për të qëndruar në ekran të paktën një herë në javë.

Të rinjtë janë më të prekurit, me 57% të të rinjve nën 20 vjeç dhe 49% nga 20 deri në 34 vjeç që thonë se kanë përjetuar një efekt të dëmshëm nga ekranet.

Anketa vjetore u krye nga Instituti Kombëtar i Statistikave dhe Studimeve Ekonomike të Francës në fillim të vitit 2023 dhe përfshiu 31,000 familje dhe pjesëmarrësit ishin të moshës nga 15 deri në 74 vjeç.

Përveç ndikimit në gjumë, efektet e tjera të dëmshme të raportuara përfshinin neglizhimin e hobeve ose një dëshirë obsesive për të parë një ekran.

30 vjeçarët ishin më të prirur të kufizonin kohën e gjumit për shkak të ekraneve se sa të moshuarit. Anketa gjithashtu zbuloi se një e treta e përdoruesve të internetit kishin tentuar më parë të kufizonin përdorimin e ekraneve. Nga këta, rreth 7% nuk kishin arritur ta bënin këtë.

4 %thanë se ndiheshin të depresionuar për shkak të përdorimit të telefonit ose kompjuterit. Kjo ishte më e lartë tek të rinjtë e moshës 15 deri në 19 vjeç, me rreth 11% që thanë se ndiheshin të depresionuar pas përdorimit të një ekrani.

LEXO GJITHASHTU:

• Studimi për cigaret elektronike, Shuperka: Mjekët e farmacistët jo njohuri mbi dëmet
• Studiuesit: Cigarja elektronike zgjidhje alternative, ul rrezikun nga sëmundjet