Kapen armë në Veri, policia e Kosovës me konferencë të jashtëzakonshme

Policia e Kosovës ka bërë të ditur se ka zbuluar disa armë në veri të vendit. Përmes një njoftimi në Facebook policia lajmëron një konferencë të jashtëzakonshme për mediat ku do të jepen detaje rreth operacionit.

“Sot, më 14.06.2024, në ora 19:30, në objektin e Drejtorisë Rajonale Policore-Mitrovicë Veri, do të mbahet një konferencë e jashtëzakonshme për media.

Në këtë konferencë do të paraqiten detaje rreth një operacioni policor të gjetjes dhe konfiskimit të një sasie të armatimit, të cilat do të ekspozohen për media”, bëri me dije policia e Kosovës përmes një njoftimi.