“Të shkruajmë historinë ndaj Spanjës”- Manaj premton maksimumin ndaj iberikëve

Kombëtarja shqiptare nuk është dorëzuar, ndërsa do të provojë të marrë fitoren ndaj Spanjës në ndeshjen e fundit, në mënyrë që të sigurojë qëndrimin në Euro 2024. Kuqezinjtë janë rikthyer në stërvitje pas barazimit ndaj Kroacisë, ndërsa në konferencën e radhës për shtyp ishte sulmuesi Rey Manaj.

“Morëm dy gola për katër minuta, goli i dytë mund të ishte edhe faull. Do ishte shumë e rëndësishme të merrnim tre pikë, tani duhet të fitojmë me Spanjën për të kaluar grupin. Presim ndeshjen e sotme, nëse fiton Spanja sot mund të kemi më shumë shanse. Këto tre ditë do të përgatitemi që të bëjmë historinë dhe të marrim tre pikë kundër Spanjës”, deklaroi Rey Manaj.

Më tej bomberi i Sivasspor analizoi la furia roha, ndërsa shpreson tek fitorja e tyre me Italinë.

“Është ekip shumë i madh. Nëse mposhtin sot Italinë, kemi shpresa. Kanë lojtarë me kualitet dhe janë emra të mëdhenj. Ne duhet të bëjmë ndeshjen tonë, nuk duhet të shohim lojtarët e tjerë, të japim 100% nga minuta e parë deri në fund”, tha Manaj.

Atmosfera është pozitive, me lojtarët kuqezi të cilët do të japin maksimumin në përballjen e tretë, me skuadrën më të fortë të grupit. Kujtojmë se aktualisht Shqipëria renditet në vendin e tretë me 1 pikë, ndërsa në të katërtin qëndron Kroacia.

LEXONI GJITHASHTU:

• Përfundon ndeshja Shqipëri-Kroaci, kuqezinjtë barazojnë në minutat shtesë
• Pse humbi Shqipëria? Rraklli: Bëmë shumë gabime taktike dhe individuale