Polakja pikturon muret e Kapshticës, fokusi i punimit është natyra

Polakja Maria-Rosa Szychowska prej disa ditësh është duke realizuar një pikturë murale në pikën e kalimit kufitar të Kapshticës.

Piktorja e re tha se ndodhet në Kapshticë pasi është kontaktuar nga Ministria e Kulturës si pjesë e një projekti të ideuar nga vet kryeministri.

Punimi i realizuar sipas polakes, është në raport me natyrën dhe mjedisin përreth me këtë pikë kufitare.

“Ishte një projekt dhe u kontaktova në internet, projekt i turizmit e ideuar nga kryeministri dhe ministri i kulturës e financuar nga vet pikat doganore, u kontaktova dhe nga Bashkia e Tiranës dhe ja ku jam”, thotë ajo.

Maria-Rosa Szychowska ka qenë vetëm një herë në kryeqytetin tonë dhe asnjëherë në zona të tjera të Shqipërisë, por ajo çfarë i bën përshtypje është mikpritja që ka gjetur.

Pas Kapshticës piktorja bën të ditur se do të realizoje një pikturë murale edhe në pikën e kalimit kufitar të Qafë Thanës.

“Jam një artiste e re, me pëlqen te pikturoj në vende të ndryshme. Pas Kapshticës do të pikturoj dhe në Qafë Thanë. Shqipëria është e mrekullueshme, njerëzit janë shumë mikpritës, pamja shumë e bukur dhe ushqimi shumë i shijshëm”, shprehet piktorja.

Piktura po realizohet në pjesën ballore të godinës së doganës së Kapshticës dhe ka përmasa të konsiderueshme.

LEXONI GJITHASHTU:

• Sherr mes shoferëve të kamionëve në Kapshticë, njëri prej tyre goditet me thikë
• I kërkuar nga policia e Elbasanit për drogë, kapet në Kapshticë 34-vjeçari