EMRI| Tjetërsonte provat, arrestohet eksperti kriminalist në policinë shkencore

Agjencia e Mbikëqyrjes Policore ka arrestuar një ekspert kriminalist ne laboratorin e policisë shkencore me akuzën e shpërdorimit të detyrës.

Në pranga është vënë shtetasi Fatmir Balaj, me gradë nënkomisar. Balaj dyshohet se tjetërsonte provat lidhur me çështje të ndryshme hetimore.

“Agjencia e Mbikëqyrjes Policore (Rajoni Tiranë), pas hetimeve të kryera nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Korçë, ka ekzekutuar masën e sigurimit personal “Arrest në burg”, të vendosur nga Gjykata e Shkallës Parë të Juridiksionit të Përgjithshëm Korçë, ndaj oficerit të policisë, K/Komisar Fatmir Balaj, 49 vjeç, me detyrë Specialist kriminalist në Sektorin e ekzaminimeve kompjuterike në Institutin e Policisë Shkencore, i dyshuar për kryerjen e veprave penale “Shpërdorim detyre” dhe “Ekspertim i rremë”.

Caktimi i masës së sigurimit është bërë i mundur pasi nga hetimet e zhvilluara, janë siguruar prova dhe fakte se ky oficer policie, duke shfrytëzuar funksionin organik, ka fshehur, tjetërsuar dhe zëvendësuar pajisjet kompjuterike (USB), objekt ekspertimi kompjuterik, të cilat do të shërbenin si provë kryesore shkencore në dokumentimin me prova ligjore të veprimtarisë kriminale të një subjekti privat, të proceduar penalisht për veprat penale “Mashtrim kompjuterik”, nëpërmjet platformës Forex (call center)”, bëhet me dije në një njoftim të AMP.

LEXONI GJITHASHTU:

• Në kërkim për organizatë kriminale në Spanjë, arrestohet në Hanin e Hotit 35-vjeçari
• Arrestohet turisti nga Kazakistani në Pompei, shkroi në murin antik fjalët “Ali”