Stroll rinovon te Aston Martin, Gasly te Alpine

27 Qershor 2024 | 14:48

Aston Martin njoftoi se Lance Stroll do të vazhdojë të garojë për skuadrën edhe në epokën e re të F1 që starton në vitin 2026.

Në një zhvillim të fundit të merkatos fluide të pilotëve që fillimisht zyrtarizoi rinovimin e Alpine me Pierre Gasly, rinovimi i Stroll me skuadrën nga Silverstone erdhi i paralajmëruar nga piloti në përfundim të ”Spanish Grand Prix”.

Stroll debutoi në F1 me Williams në vitin 2017 dhe qëndroi për dy vite në Grove përpara transferimit te Racing Point që në vitin 2021 u shndërrua në Aston Martin dhe drejtohet nga babai i tij, Lawrence Stroll. Kjo do të thotë që Aston Martin do të ruajë të njëjtët pilotë për të 3-in sezon.

Pak orë më Alpine ra dakord për një rinovim disavjeçar me Pierre Gasly që e mban francezin në Enstone përtej vitit 2025. Gasly u bashkua me skuadrën franceze në startin e vitit 2023 dhe ka grumbulluar 67 pike në 18 muajt e fundit përfshi vendet e 3’të në “Belgian GP Sprint” dhe “Dutch Grand Prix” sezonin e kaluar.

Alpine nxitoi të vendoste Gasly nën kontratë, pas njoftimit të disa javëve më parë për mbylljen e bashkëpunimit me Esteban Ocon në fund të këtij sezoni. Francezët ndërkohë po provojnë të bindin Carlos Sainz për ta vendosur përkrah Gasly por deri tani spanjolli është i pavendosur për të ardhmen e tij. Në mungesë të tij, francezët po shqyrtojnë kandidaturat e talenteve Jack Doohan dhe Victor Martins përballë eksperiencës së fituesit të 10 garave në F1, Valtteri Bottas.

Home Kryefaqja
Shiko në: YouTube
Lajme të Sugjeruara

Verstappen pritet të largohet, Aston Martin ka gati ofertën

Maks Vershtapen duket se do të largohet në fund të sezonit nga Red Bull, me Aston Martin që ka gati ofertën. Holandezi dëshiron një aventurë...
17:10 | 18/04/2025

Norris fitoi garën, Mclaren, titullin

Lando Norris e mbylli vitin 2024 me klasin e fitores në “Abu Dhabi Grand Prix” pas një pilotimi dominues. Britaniku në këtë mënyrë siguroi një...
16:35 | 08/12/2024

Norris në pole, Mclaren drejt titullit

I fundit pole position i vitit 2024 në Formula 1 i përket Lando Norris. Anglezi vendosi kohën më të shpejtë në Abu Dhabi aty McLaren...
16:48 | 07/12/2024