“INSTAT përdoret nga pushteti”, Agalliu: As vetë nuk e besojnë që ka 2.4 mln banorë

Deputeti i Partisë Demokratike Arbi Agalliu tha se zgjatja me muaj e publikimit të rezultateve të Censusit, është të mbulosh diellin me shosh.

Në një postim në Facebook, Agalliu shprehet se as vet nuk e besojnë që Shqipëria ka 2.4 milionë banorë, kjo pasi ka vite që vendi boshatiset ditë për ditë.

Ai shpreh keqardhje për institucionin e INSTAT që keqpërdoret për t’i shërbyer pushtetit dhe për të fshehur të vërtetën e hidhur.

Postimi i Arbi Agalliut:

Nuk mbulohet dielli me shoshë!
As vetë nuk e besojnë atë që kanë shkruar.
As vetë nuk e besojnë që këtu ka 2.4 mln shqiptarë.
Shqipëria ka vite që po boshatiset për ditë e më tepër.
Të vjen keq që një institucion si INSTAT keqpërdoret për t’i shërbyer pushtetit dhe për të fshehur të vërtetën e hidhur.
U zgjatën në kohë, muaj e muaj, për të thënë një gënjeshtër të madhe.
Mos u lodhni, të gjithë e dimë se Shqipëria është BOSHATISUR.

LEXONI GJITHASHTU:

• Nesër prezantohen rezultatet e Censit të Popullsisë dhe Banesave
• Financim i ri për bashkitë, vitin tjetër fondet do të ndahen sipas Censit