Rikthehet Euro 2024, luhen sot dy “finalet” e parakohshme

E premtja garanton spektakël në Euro 2024, aty ku në fushë zbresin 4 nga skuadrat pretendente për fitimin e trofeut. Organizatorët e eventit i pret dueli më i vështirë, ai me Spanjën, e cila ashtu si panzerat është rekordmene në fitimin e titujve, me 3 të tillë.

Britaniku Anthony Taylor është ai që do të gjykojë përballjen e gjigantëve në Shtutgart. Të besuarit e Julian Nagelsmann do të provojnë të thyejnë tersin ndaj iberikëve, me të cilët që prej 1988 e kanë pasur të vështirë të marrin rezultat pozitiv.

Kjo është sfida e 27 mes tyre, ku deri më tani 8 fitore u takojnë spanjollëve, 9 gjermanëve dhe 9 janë mbyllur në barazim. Formacionet nuk pritet të pësojnë ndryshime, Spanja me Simon, Cucurella, Carvajal, Laporte dhe Le Normand, në mesfushë Pedri, Fabian Ruiz e Rodri, ndërsa në sulm Yamal e Nico nga krahët e në qendër Morata.

Te Gjermania, Neuer, Kimmich, Rudiger, Schlotterbeck, Mittelstadt, Andrich, Kroos, Wirtz, Gundodan, Musiala dhe Havertz. Në mbrëmje një tjetër duel gjigantës, mes Francës e Portugalisë, një përsëritje e finales së 2016, asokohe fituar nga luzitanët.

Trekolorët kanë fituar më tepër përballje në krahasim me kundërshtarin 16 të tilla, kundrejt 6 të portugezëve, dhe 3 duele të mbyllura në barazim. Formacionet nuk pritet të kenë ndryshime, me portugezët që konfirmojnë praninë e kapitenit Ronaldo, ndërsa në anën tjetër rreziku kryesor është Mbappe.

LEXO GJITHASHTU:

• Si u kthye Euro 2024 në “arenën” e rivaliteteve ballkanike
• Holanda kalon në çerekfinale të Euro 2024 me fitoren 3-0 ndaj Rumanisë