“Betoniere në mes të plazhit” gazetarja: Çmimet në Rradhimë janë rritur me 20%

Turistët në Vlorë duket se po ”braktisin” Rradhimën. Kështu tha gazetarja e Euronews Albania Greta Haskaj në Now me Erla Mëhillin.

Ajo shprehet punimet ë shumta që po bëhen në atë zonë shtynë pushuesit të largohen për të gjetur një vend më të qetë, pa zhurma dhe më pak të ndotur.

Një faktor tjetër është rritja e çmimeve me një mesatare prej 20%. Ajo tha se kjo rritje çmimesh vihet re në të gjitha shërbimet dhe është kthyer shqetësues dhe për vendasit.

“Që prej shkurtit të këtij viti, vija bregdetare e Rradhimës i është nënshtruar një sërë punimesh, që nga ajo e ujësjellës kanalizimeve e deri tek ajo e ndërtimit të Lungomares dhe në të njëjtën kohë që mund të shikosh plazhe dhe hapësira publike që frekuentohen nga pushues subjekte private, njësi shërbimi apo bare në të njëjtën kohë mund të shikosh mjete të rënda pune, betoniere dhe  një pamje e qartë kaosi dhe zhurme në të cilën nuk është e përshtatshme për të pushuar. Arsyeja tjetër është rritja e çmimeve që është shqetësuese jo vetëm për turistët, por dhe për vendasit. Në raport me vitin e shkuar në vija të përgjithshme ka një rritje prej   20% në të gjitha njësitë e shërbimit duke filluar që tek baret, çmimet e shezlogeve dhe mundësia për tu ulur në  një restorant dhe për këtë arsye shumica e pushuesve i është drejtuar vijës bregdetare të Zvërnecit duke marrë parasysh  se çmimet janë më të ulëta dhe nuk ka punime” tha gazetarja.

LEXO GJITHASHTU:

• Turizmi në vend, gazetari: Shkodra me kapacitet të plotë, shumica preferon Thethin
• Saranda me sy nga italianët, gazetarja: Turistët nuk po shpenzojnë para këtë vit