Elbasan|I mituri në timon humb kontrollin dhe përplaset me murin, plagoset 4-vjeçari

Një 15-vjeçar në Elbasan duke drejtuar automjetin, ka humbur kontrollin dhe makina është përplasur me murin rrethues të një banese.

Nga zhvendosja e portës metalike të oborrit është dëmtuar fëmija 4 vjeç i shtetasit R. G., i cili ndodhet në kujdesin e mjekëve.

Ndërkohë Policia bën të ditur përmes një njoftimi se ka referuar materialet në Prokurori për 15-vjeçarin.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Njoftimi i Policisë:

Drejtoria Vendore e Policisë Elbasan – Policia referoi materialet në Prokurori për një 15-vjeçar, pasi ditën e djeshme, në lagjen “Dyli Haxhire”, dyshohet se ka humbur kontrollin mbi drejtimin e automjetit dhe automjeti është përplasur me murin rrethues të oborrit të banesës së shtetasit R. G. Nga zhvendosja e portës metalike të oborrit është dëmtuar fëmija 4 vjeç i shtetasit R. G., i cili ndodhet në kujdesin e mjekëve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Aksident në aksin Maliq-Pogradec, plagoset një person
• Aksidentohet makina e policisë në aksin Maliq-Pogradec, plagoset oficeri i policisë