Anglia sërish në finale, “3 luanët” përballë talentëve spanjollë

Anglia nuk ka zhgënjyer në përballjen e gjashtë të kampionatit europian për të besuarit e Southgate duke fituar ndaj Holandës në shfirat 2-1. 3 luanët e nisën jo mirë duelin, me tulipanët që gjetën avantazhin me supergolin e Simons, por minutat në vijim Anglia reagoi. Kane riktheu ekuilibrat me një 11 metërsh të ekzekutuar saktë, edhe pse Verbruggen e kuptoi krahun.

Pjesa e dytë prodhoi disa raste, ku nuk munguan as tentativat e Holandës, me një Xavi Simons në superformë, por i braktisur nga shokët e skuadrës. Southgare surprizoi me lëvizjen e tij, duke inkuadruar në lojë Ollie Ëatkins, me këtë të fundit që shënoi golin e përmbysjes në minutën e 91 dhe Anglia triumfon 2-1 ndaj Holandës.

Britanikët rikthehen në finalen e kampionatit evropian sërish, gjë të cilën e bënë dhe në edicionin parardhës, po nën drejtimin e Southgate. Dueli i fundit është ai ndaj Spanjës e cila synon trofeun e katërt, me Anglinë që ende nuk e ka fituar këtë trofe. 27 sfidë të luajtura, 14 fitore për Anglinë, 10 për Spanjën dhe 3 barazime, ky është rekordi mes dy ekipeve.