Arrestohet autori i sulmit me armë zjarri në Durrës, kush është i plagosuri

Një plagosje me armë zjarri ndodhi pak minuta më parë në Durrës, në lagjen 17 pranë ish-degës ushtarake.

Sipas burimeve të Euroneës Albania, bëhet me dije se i plagosuri është shtetasi Fadil Hunda, 70-vjeç.

Ndërkohë që Policia ka arritur që të arrestojë autorin e sulmit me armë zjarri, i cili është një 31-vjeçar nga Shijaku.

Në pranga ka rënë edhe një 56 vjeçar, i cili ka qenë me autorin në momentin e ngjarjes.

Po ashtu është gjetur dhe sekuestruar edhe arma e krimit, ndërkohë që vijojnë hetimet për zbardhjen e plotë të ngjarjes.

Njoftimi i Policisë:

Durrës/Informacion paraprak

Plagosi me armë një 70-vjeçar, dyshohet pas një konflikti të çastit në një lokal në lagjen nr. 17, falë reagimit në kohë të Policisë, kapet në tentativë për t’u larguar dhe shoqërohet në Polici autori i dyshuar.

Policia gjeti në brendësi të lokalit ku ndodhi ngjarja dhe sekuestroi në cilësinë e provës materiale armën e zjarrit pistoletë.

Rreth orës 19.30, në një lokal në lagjen nr. 17, dyshohet se si pasojë e një konflikti të çastit , shtetasi A. H., 31 vjeç, banues në lagjen nr. 17 Durrës, ka plagosur me armë zjarri pistoletë shtetasin F. H, rreth 70 vjeç, banues në Durrës, i cili ndodhet në spital nën kujdesin e mjekëve.

Falë reagimit të menjëhershëm të shërbimeve Operacionale dhe Shqiponja kapet në tentativë për t’u larguar dhe shoqërohet në Polici,për veprime të mëtejshme autori i dyshuar i plagosjes.

Ndërkohë shërbimet e Policisë kanë shoqëruar dhe një shtetas tjetër, konkretisht shtetasin A.T, 56 vjeç, që ishte bashkë me autorin e dyshuar të ngjarjes në momentin kur ka ndodhur ngjarja

Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.