Balla takon të ngarkuarin me Punë të Ambasadës së SHBA: Mirënjohës për mbështetjen

Ministri i Brendshëm Taulant Balla priti këtë të premte në një takim të Ngarkuarin me Punë të Ambasadës së SHBA David Wisner, i cili është në përfundim të misionit të tij në Tiranë.

Ministri Balla ka falënderuar diplomatin e lartë amerikan për kontributet e dhëna për forcimin e marrëdhënieve mes dy vendeve dhe ka nënvizuar rëndësinë e mbështetjes së agjencive të ndryshme ligjzbatuese amerikane për Policinë e Shtetit dhe AMP.

“Ndërsa misioni i të Ngarkuarit me Punë në Ambasadën e SHBA Tiranë David Wisner po përfundon, e falënderova për bashkëpunimin e shkëlqyer dhe mbështetjen amerikane në forcimin e kapaciteteve tona në sfidat e sigurisë publike, në luftën kundër krimit të organizuar dhe korrupsionit, kundër narkotikëve dhe kundër trafikut të qenieve njerëzore.

Mirënjohës për programet e asistencës dhe mbështetjen përmes ICITAP, DEA, INL etj., për Policinë e Shtetit dhe Agjencinë e Mbikëqyrjes Policore. Bashkë me SHBA jemi pjesë e Koalicionit Global ndaj kërcënimit të Drogave Sintetike, për të koordinuar masa konkrete kundër prodhimit, trafikimit dhe shitjes së tyre tek të rinjtë dhe përdorues të tjerë”,-shkruan ministri Balla në Facebook.

LEXONI GJITHASHTU:

• Balla: Kemi bashkëpunim të ngushtë me SPAK, vetëpastrimi i policisë, objektivi im
• Tiranë| Mbahet Konferenca Europiane e Interpol, Balla: Të përkushtuar kundër krimit