Kontaktoi Nuredin Dumanin për të vrarë ish-gruan, lirohet nga qelia avokati

Avokati Alban Bengasi është liruar nga qelia pasi përfundoi dënimin e dhënë për “Dhunë në familje” me 1 vit e 4 muaj.

Rasti u zbulua gjatë operacionit “Plumbi i artë”, ku Bengasi sipas SPAK porositi dhunimin e ish-bashkëshortes.

Rasti u dëshmua në organin e akuzës nga Nurdein Dumani, i cili tha se ishte kontaktuar nga avokati për të eliminuar fizikisht ish-bashkëshorten, por që ky i fundit nuk kishte pranuar.

Dumani, tha se avokati kishte porositur vrasjen e gruas së tij, duke premtuar 120 mijë euro për kryerjen e këtij krimi.

KOMUNIKIM PËR MEDIAN GJKKO:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtar Florjan Kalaja, sot më 27.07.2024, shpalli vendimin mbi çështjen penale nr. 173 akti, datë 25.07.2024 regjistrimi, mbi ankimin e paraqitur nga ankuesi A.B., me objekt: Kërkesë për shuarjen e masës së sigurimit “Arrest në burg”, dhe vendosi:

• Konstatimin e shuarjes së masës së sigurimit “Arrest në burg” të caktuar ndaj të pandehurit Z. A.B. me Vendimin nr. 42, datë 17.05.2022 dhe të verifikuar me Vendimin nr. 103, datë 08.09.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
• Urdhërimin e lirimit të menjëhershëm të të pandehurit Z. A.B. nga ambjentet e paraburgimit, nëse liria e tij personale nuk kufizohet për një shkak tjetër ligjor.
• Kundër këtij vendimi mund të ushtrohet rekurs brenda 45 ditëve nga e nesërmja e njoftimit të arsyetuar të vendimit.
• Vijon…