Kina fiton medaljen e parë të arit për qitje në Lojërat Olimpike

Kina ka fituar medaljen e parë të artë në Lojërat Olimpike të Parisit, pasi ka fituar në 10 metra qitje me pushkë ajri, duke mundur Korenë e Jugut 16 me 12 falë saktësisë së sportistit Sheng Lihao.

Edhe Kazakistani ka fituar medaljen e parë të këtij edicioni të lojërave, pasi siguroi medaljen e bronztë në të njëjtën disiplinë. Atleti kazak, Islam Stapajev mposhti Gjermaninë me rezultatin 17 me 5.

Ndeshja e ardhshme për medaljen e artë në 10 metra qitje me pushkë ajri do të zhvillohet mes Kinës dhe Koresë.

Ndërkohë, zhytëset Sarah Bejkon dhe Kesidi Kuk kanë fituar medaljen e parë për Shtetet e Bashkuara, atë të argjendtë në hedhjen e sinkronizuar.

Ato dolën pas atleteve kineze Çang Jani dhe Çen Jiuen, që i sollën medaljen e dytë të artë vendit aziatik.

Ndërkohë, zhytëset angleze Jasmin Haraper dhe Skarlet Jensen përfunduan të tretat.

Megjithatë, eventi sportiv nuk u shpëtoi dot gafave.

Komiteti Ndërkombëtar Olimpik u detyrua t’i kërkonte zyrtarisht falje Koresë së Jugut pasi gabimisht e prezantoi delegacionin sportiv të Seulit sikur ishte nga Korea e Veriut, gjatë paradës në lumin e Senës.

LEXONI GJITHASHTU:

• Skandali në Lojërat Olimpike, Koreja e Jugut prezantohet si Koreja e Veriut
• VIDEO| Ceremonia spektakolare e hapjes së Lojërave Olimpike në Paris