Tritoli në lokalin në Velipojë, vëllai i pronarit: Na sulmojnë, s’i kemi kujt borxh

Nja sasi lënde plasëse ka shpërthyer në ambientet e jashtme të një lokali më Zonën e Rrjollit në Velipojë, në orët e para të mëngjesit të kësaj të marte.

Lokali është në pronësi të shtetasit Andis Danaj 35 vjeç, ndërsa si shihet dhe nga pamjet, dëmet janë të konsiderueshme.

Vëllai i pronarit të lokalit, Kristjan Preka tregoi se nuk kanë konflikte me njeri.  Ai tha se është hera e dytë që lokali sulmohet pa i pasur asnjë njeriu diçka borxh.

“Nga ora 3 e natës ka marrë vëllai në telefon dhe më tha; hajde shpejt se kanë hedhur lëndë plasëse në lokal. Është hera e dytë që ndodh. Që në herën e dytë, vëllai rri këtu dhe ruan objektin.

Siç shihet dhe në pamje, ka pasur dëme materiale. Nuk kemi konflikte, Unë jam emigrant prej 10 vitesh në Gjermani, jam me nënshtetësi gjermane. E kam parë të arsyeshme që të bëja një investim në vendin tim. Nuk e di se pse ndodhi. Të vinë, të sulmojnë, pa i pasur kurrë kujt borxh, nuk e di. policia të merret seriozisht me çështjen, se është hera e dytë. Duhet të gjenden autorët”, tha vëllai i pronarit të lokalit, Kristian Preka.

LEXONI GJITHASHTU:

• SMS-ja që i mori jetën biznesmenit në Sarandë, i erdhi kur po montonte tritolin
• Kush është i riu që u arrestua për shpërthimin në Sarandë, ish-kandidat për deputet
• Po i vendoste tritolin anijes së konkurrentit, si vdiq biznesmeni në Sarandë