Panik gjatë Lojërave Olimpike, notarja shembet pa ndjenja në fund të garës

Një ngjarje e rëndë ka tronditur të pranishmit që po ndiqnin garat e notit në Lojërat Olimpike, në La Defense Arena në Nanterre të Parisit.

Notarja sllovake Tamara Potocka, u rrëzua teksa doli nga uji pas garës 200 m, stil i përzier.

Atletja sllovake, 21 vjeçare, u pa duke u marrë me barrel dhe duke u transportuar nga shërbimi mjekësor.

“Ajo është e vetëdijshme, por ne jemi në pritje të informacioneve të reja mjekësore”, shpjeguan organizatorët për AFP, duke specifikuar se Potocka po kujdesej nga ekipet mjekësore.

Nuk është e qartë nëse ajo pati ndërhyrje të CPR.

Koha e saj prej dy minutash 14.20 sekonda nuk ishte aq e shpejtë për ta kaluar në gjysmëfinale të eventit, duke e eliminuar nga gara.

LEXONI GJITHASHTU:

• Dilema që “çmendi” Parisin, debati mbi boksieren algjeriane: Burrë apo grua?
• Dita e tretë e Olimpiadës: Azia udhëheq sa i përket medaljeve