Dita e tretë e Olimpiadës: Azia udhëheq sa i përket medaljeve

Emocionet e lojërave olimpike kanë vijuar dhe në ditën e tretë të garave që zhvillohen në Paris, ku nuk mungojnë emocionet, por dhe rezultatet surprizë. Gjysma e parë e ditës ka nisur më mirë për shtetet aziatike, të cilat duket se do të rivalizojnë këdo në olimpiadë, madje dhe mes njëri-tjetrit. Kina kryeson renditjen sa i përket medaljeve të fituara, me 5 të arta, e më pas Japonia e Korea e Jugut me nga 4.

Sa i përket numrit të medaljeve në total, më tepër deri më tani numërojnë SHBA-të me 12, por kur vjen llogaria tek të artat kanë vetëm 3, duke mos qenë në ritmin e pritshëm deri në këtë pikë të garave, edhe pse është ende fillimi. Organizatorët e eventit Franca kanë 9 medalje në total të grumbulluara, 3 të arta, 4 argjend, dhe 3 bronx. Mes dhjetë më të mirave, por e fundit është Belgjika me 1 medalje ari dhe 1 bronxi, ndërsa kujtojmë se dhe Kosova ka fituar të argjendit në xhudo me Distria Krasniqin.

Aktualisht janë dorëzuar 94 medalje në të gjitha garat e zhvilluara, ndërsa të dhënat ndryshojnë herë pas here, por ky numër është konfirmuar deri në orën 14:30 të kësaj të hëne. Në total janë 329 medalje në 32 sporte.

LEXONI GJITHASHTU:

• Cilat janë shtetet që u ndaluan të marrin pjesë në Lojërat Olimpike?
• Zjarrvënia e rrjetit hekurudhor në Francë, “sabotim” pak para Lojërave Olimpike