Krimi i dyfishtë në Konispol, 2 vrasjet ndodhën në praninë e mbesës 10-vjeçare
Të tjera detaje kanë dalë nga ngjarja e rëndë në Konispol, ku 69-vjeçari Hyso Islami ka vrarë me sëpatë bashkëshorten e tij 66-vjeçe, Shano Islami dhe më pas është vrarë nga djali i tij, 40-vjeçari Klement Islami.
Gazetarja e Euronews Albania, Anxhela Lushkaj, është shprehur se ajo që e bën më të rëndë këtë ngjarje është prania e mbesës së tyre 10-vjeçare (vajzës së 40-vjeçarit Klement Islami, i cili ka qenë i divorcuar) në momentin e ngjarjes.
Sipas gazetares, ka qenë 10-vjeçarja që ka njoftuar të atin se gjyshi vrau gjyshen dhe po ashtu ajo ka qenë prezente kur babai i saj vrau 69-vjeçarin.
“69-vjeçari Hyso Islamaj ka vrarë mëngjesin e sotëm bashkëshorten e tij 66-vjeçare, Sano Islamaj. Ngjarja ndodhi në një mëngjes fare të zakontë për familjen e tyre, ku Hyso Islamaj ka dalë në mëngjes për të nxjerrë bagëtitë dhe pasi është kthyer në orën 07:00, pas një konflikti verbal, ka vrarë me sëpatë bashkëshorten e tij.
Ajo që është më dramatike në këtë situatë është prania në vendngjarje mbesa e tyre 10-vjeçare. Klement Islamaj, djali 40-vjeçar i familjes me të cilin jetonin ishte i divorcuar, ndërsa për pushimet e verës kishte marrë në banesë vajzën e tij 10-vjeçare.
Vajza e mitur ka qenë dëshmitare okulare e ngjarjes. Ka qenë ajo që ka njoftuar të atin për ngjarjen e rëndë. Një fëmijë që ka qenë prezent kur gjyshi ka vrarë gjyshen dhe i ati i ka vrarë gjyshin”, tha Lushkaj.
LEXONI GJITHASHTU:
Stuhia e shiut përfshin juglindjen e vendit (VIDEO)
Enver Hoxhaj reagon për protestën në Tiranë: Shqipëria e fortë është në interesin e çdo shqiptari
Floriana Garo: PD dhe Berisha mbështesin pa lëkundje kërkesat e protestës qytetare
- 20:56 Stuhia e shiut përfshin juglindjen e vendit (VIDEO)
- 20:39 Enver Hoxhaj reagon për protestën në Tiranë: Shqipëria e fortë është në interesin e çdo shqiptari
- 20:33 Floriana Garo: PD dhe Berisha mbështesin pa lëkundje kërkesat e protestës qytetare
- 20:11 Begaj mesazh për protestat: E drejta për t’u shprehur duhet të ushtrohet në pajtim me Kushtetutën dhe ligjin
- 20:10 Bitcoin bie nën 60,000 dollarë mes presionit në tregjet globale
- 20:07 Trump: Irani po bën lëshime të mëdha