EMRAT| I shkaktoi vdekjen të atit pasi i vrau nënën, ky është 40-vjeçari në Konispol

Një ngjarje e rëndë raportohet të ketë ndodhur në fshatin Shalës në Konispol, ku 69-vjeçari Hyso Islami ka vrarë me sëpatë bashkëshorten e tij 66-vjeçe, Shano Islami.

Më pas 69-vjeçari është konfliktuar edhe me të birin 40-vjeçar, Klement Islami, ku ky i fundit dyshohet se e ka shtyrë të atin nga shkallët e banesës, i cili si pasojë e dëmtimeve ka humbur jetën.

Policia ka shoqëruar në Polici 40-vjeçarin Klement Islami, ndërkohë që vijon punë për zbardhjen e plotë të ngjarjes.

Euronews Albania ka siguruar fotografinë e 40-vjeçarit Klement Islami.

Njoftimi i Policisë:

Sarandë/Informacion paraprak

Rreth orës 07:00, në fshatin Shalës, Konispol, dyshohet se gjatë një konflikti për motive të dobëta, në banesë, shtetasi H. I., 69 vjeç, ka vrarë me mjet prerës (dyshohet sëpatë) bashkëshorten e tij, shtetasen Sh. I., 66 vjeçe.

Më pas, shtetasi H. I. dyshohet se është konfliktuar me djalin e tij, shtetasin K. I., rreth 40 vjeç, i cili e ka shtyrë shtetasin H. I. nga shkallët e banesës. Si pasojë e dëmtimeve, shtetasi H. I. ka humbur jetën në vendngjarje.

Shërbimet e Stacionit të Policisë Konispol, pas njoftimit të marrë, kanë shkuar menjëherë në vendngjarje ku kanë bërë të mundur kapjen dhe shoqërimin në ambientet e Policisë të autorit të dyshuar, shtetasit K. I.

Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e plotë të rrethanave të ngjarjes.

LEXONI GJITHASHTU:

• Emrat|E rëndë në Konispol, burri ekzekuton gruan me sëpatë, më pas vritet nga i biri
• Vjelja e mandarinës në Konispol, fermerët ankohen për mungesë të fuqisë punëtore