Operatorja turistike: Kompanitë e lidhura me shtetet e lindjes, pritshmëri të larta për sezonin turistik

Tetiana Bajraktari, operatore turistike, tha në studion e Euronews Albania se kompanitë që punojnë me shtetet e lindjes kanë pritshmëri shumë të mira për sezonin turistik, që siç sqaroi ajo fillon që në 25 prill me avionin e parë që sjell turistë nga Ukraina.

Janë 189 turistë që vijnë për herë të parë, udhëtimet do të vijojnë dy herë në javë deri në mes të muajit maj dhe më pas Bajraktari sqaroi se do të kenë rreth 20 aviona në javë nga fillimi i qershorit nga Ukraina dhe Bjellorusia.

“Turistët shpërndahen në gjithë Shqipërinë. Më e preferuara për sezonin veror, patjetër që është pjesa e plazhit. Durrësi, Vlora, Saranda, Ksamili, këtu janë qytetet kryesore ku çojmë ne,” – tha Bajraktari.

Sa i takon frikës nga pandemia, operatorja turistike tha se qytetarët janë mësuar me këto kontrolle dhe nuk ka asgjë që i pengon, shto këtu dhe çmimet në vendin tonë që sipas saj janë konkurruese.

Sipas saj, çfarë duhet rregulluar në Shqipëri është përmirësimi i cilësisë së shërbimit.

LEXONI GJITHASHTU: 

• Nis aktiviteti në aeroportin e Rinasit, nuk ka ende kontrollorë shqiptar të kthyer në punë
• Saga e ‘Sputnik V’, Sllovakia kërkon sqarime nga Rusia, Gjermania gati për bisedime
• “Erdogan një diktator”, Draghi kritikon presidentin turk për sjelljen ndaj presidentes Von der Leyen